>> إحترمتِك حِيل .. لكنِك اخطيت <<

>> إحترمتِك حِيل .. لكنِك اخطيت <<

يعني تحسِبني بنادي .. إن مِشيت
لا ورَبي .. ما أنادي لِك حرام ..
.
إحترمتِك حِيل .. لكنِك اخطيت
والخَطا إن زَاد .. قَل الإحترام ..
.
جِيت أتفاهَم مَعَاك .. وما هقيت
إنَّ قلبك ما يرد .. حتَّى السلام ..
.
هذا وإنتَ أمس .. جارحني نسيت
عالقليله .. خَل يمر عالجَرح عام ..
.
حِس فيني .. قول لو مَرَّه شبغيت
آنا شاعر ليه .. ما صِرت الهيام ..
.
عنِّي ياما .. في مشاويرك لهيت
وكَنت أتضايق .. وما فِيه إهتمام ..
.
مِنِّكَ إنتَ حَق .. ولا باطِل خذيت
أصحَى مِن جَرحٍ .. على جَرحٍ أنام ..
.
آنا أتْكَلَّم .. وإنتَ ما إستحيت
قِمت عَنِّي .. بادي دُروب الخصام ..
.
يا حبيبي .. تونِي اللِّيله دريت
إنَّ قلـبكَ .. يِـجهَل آداب الــكَــلام ..
.
جِيت كَلِّي إحتِرام .. ولِكَ عَنيت
رحت عنِّي .. وما بقى فِيها إحترام ..

تسلمي لحن عالكلمات الرائعه
تقبلي مروري
أختك %همس الغلا%

مشكوره لحن على الكلام الجميل
لك مني كل الشكر
تقبلي مروري

الشكر لكم
ع المرور الطيب
وجزاكم الله خيرا"