**(( قصااااااائد روعه))**

هلاااااااااااااااااا بنات وشباب
اليوم حبيت أضيفلكم مجموعة من القصائد أتمنى نتال إعجابكم وفي انتضار أرائكم ..



القصيده الأولى:

كفاية صار لك شهرين غايب عني يالغالي .. كفاية يا أعز الناس ترى والله ما أقدر


دخيلك لا تخيب فيك هقواتي وآمالي .. وإذا إنها عن الصبر والله وغلاتك عندي راح اصبر


أبتحمل عنا فرقاك وحالي يرثي لحالي .. مع إني والله لين اليوم مدري ليش بس تهجر


أبى أعرف شالسبب أرجوك وش اللي بس يجرالي .. أنا اش سويت يا ربي عشان تثور وتتفجر


أنا والله ما استاهل أبد كل اللي يجرالي .. أقل ما فيها بس قلي سبب خلاك تتغير


أبى أعرف بس شو الموضوع علامك صرت ما تبالي .. إبذمت كل أهلك فـ يوم شفتني بشي أما مقصر


عطيتك قلبي وروحي وهبتك حالي ومالي .. حملت إحساس هالدنيا وعطيته لك وأنا افخر


عشقتك عشق لا قبله ولا بعده انعشق تالي .. هويتك موت واتخيل إلين الموت واتصور


وإذا جاني مسج منك أمخزن رقمك الغالي .. ولا امسح رسالاتك اتم اقراها وأفكر


واحلل كل كلمة بالمسج الله يا غربالي .. وأقول بخاطري معقوله حاسس فيني ويشعر


وأرد أقول لأ يمكن تذكرني وهو سالي .. لأني توني مطرش مسج طرش مسج يشكر


وأرد أقول لأ أدري يبيني وحاسس بحالي .. وأرد أقول لأ ما اظن على باله أنا أخطر


إلين إني أنا اتأكدت قلبه بالفعل خالي .. ولا غيري أنا بقلبه يحبني موت ويقدر


لأني مره من المرات طرت فكرة على بالي .. نويت أزعل بدون أسباب وأشوفه لو بيتأثر



أبعرف قدري بقلبه يهمه وضعي الحالي .. أو إنه راح يطنشني ولا يسأل ويستفسر


وفعلاً دق وما جاوبت حرقي لي والله جوالي .. 3 آلاف مرة دق وأنا مطنش ولا معبر


كتب لي بالمسج إطلع أنا عند بابك الحالي .. قسم بالله ما تطلع لاخربها أنا واحذر


مشكلتي أعرفه زين يسويها ولا يبالي .. نزلت وخاطره مكسور يقول اشفيك متغير


وقلت بس أبي اتأكد إذا قدري معك عالي .. ضحك لي وقالي إتاكد ودمعه بلل المحجر


وطارت فيني الدنيا لمكاني صاحبي جالي .. تعذر لي وأنا الغلطان وانا اللي لازم اتعذر


بعدها عشنا أحلى أيام بقربه يا هنيالي .. وصلنا لمرحلة ما نفترق عن بعضنا وأكثر


وبعدها فجأة خلاني ولا يسأل عن أحوالي .. وأنا في خاطري أدري محال في يوم يتغير


أدق له ما يجاوبني بديت أشك في حالي .. أخاف إنه حصل له شي أخافه بس متكدر


لعب في قلبي الوسواس خياله ما تهيالي .. حوالي ألف مسج طرشت حبيبي يا عسى ما شر


لا جاوب وأنا قاعد على أعصابي وغربالي .. حبيبي صار له أسبوع فيني حتى ما فكر


إلين إني عرفت إشلون أخلي خلي الغالي .. يكلمني وجت فكرة بعد ما مت وأنا أفكر


وفعلاً.. إتصل فيني وبدت أحزاني وأهوالي .. وكانت صدمتي كبيرة علي الغالي يتغير


سألته قلت له وش فيك ما من شر يالغالي .. وش اللي صار بالدنيا علامك ليش متبعثر


أو إنك يعني ما تدري بدونك صرت أنا لحالي .. ولالي خلق أي إنسان كثر ما فيك أنا أفكر


وجاوبني وقال أرجوك إبي هالدنيا تصفالي .. أنا مليت من وضعي وأشوف الكل متغير


أنا ضاقت بي الدنيا وأبي أبقى أنا لحالي .. خلاص أتركني لا تسأل وأنا برجع عقب أشهر


وقلت له مو علي تكذب أعرفك تضعف قبالي .. تكلم قول شالموضوع بدا قلبي يدق أكثر


سكت لحظة وقال أرجوك ابعد عني بالغالي ..وخلني أذكرك بالخير وانت مثلي اتذكر


ولا إطرش مسج واحد ولا إدق لي أبد تاي .. وإذا لي خاطر عندك لا تتكلم أبد سكر


وقلت له والله ما أكسر إلين تقول وتصفالي .. وقالي والله ما اتكلم ولو تبكي دمع أحمر


ولكن شوف ربعك وأنت تعرف بس وش جالي .. خلاص افهمها عالطاير ولا تحرجني بعد أكثر


وسكر والدمع فيني على الخدين همالي .. قسم بالله ما أدري علامه قلبه اتحجر


فؤادي انهار وأنا حملي يهد جبال وجبال .. في لحظة صارت الدنيا في عيني هالكبر وأصغر


حسافة ما توقعته يصدق فيني عذالي .. حسافة ما هقيته يوم يصد عني ويتغير


بعدها صار لي ما صار وربي يعلم بحالي .. فؤادي باقي بس شوي وأحسه من الجسم يظهر


بديت اعرق ما أدري ليش خابت كل آمالي .. أنا اتوقعت كل الناس ولا اتوقعت هو ينكر


وقلت بخاطري خله مصيره يرجع الغالي .. أكيد إنه سمع أي شي وجوه صار متعكر


ولكن طول غيابه وزادت فيني إعلالي .. مرض قلبي وتعب فكري وأحسه جسمي متخدر


وقلت خلني أطرش له مسج وأشكي له أحوالي ..وطرشت المسج وشوي دق لي ودون ما أفكر


هلا والله يا أغلى الناس هلا والله بالغالي .. ألو طارق ما قلت لك لا تذكرني أو اذكر


أبي بس أذكرك بالخير ياخي خلني في حالي ..وقلت خاطري مكسور أنا آسف وما أكرر


قسم بالله إلين اليوم وحالي يرثي لحالي .. قسم بالله إلين اليوم ولا أدري ليش هو تغير



قسم بالله ما غضت عيوني ولا هدى بالي .. قسم بالله ما يوم إلا وفيه أنا أفكر


قسم بالله قلت بنساه بس طيفه يتهيالي .. قسم بالله لو حاولت أنا أنساه أتذكر


إلين اليوم أان عندي أمل يرجع ويصفالي .. أقول الشوق بيرده على فرقاي ما يقدر


إلين اليوم ضحكاته وبسماته على بالي .. إلين اليوم ما أرقد كثر ما فيه أنا أفكر


أبى أعرف شالسبب أرجوك وش اللي بس يجرالي .. أنا اش سويت يا ربي عشان تثور وتتفجر


أنا والله ما استاهل أبد كل اللي يجرالي .. أقل ما فيها بس قلي سبب خلاك تتغير


أبى أعرف بس شو الموضوع علامك صرت ما تبالي .. إبذمت كل أهلك فـ يوم شفتني بشي أما مقصر


أنا راح انتظر ردك ولو حتى بمسج خالي .. وإذا ما جاني منك الرد وغلاتك عندي راح أصبر


سنه سنتين اللي يهم أشوفك ثاني قبالي .. ثلاث سنين أو أربع أبصبر يعني راح أصبر


ولكن حكم إحساسك وجاوب يا أغلى كل غالي .. إبذمت والديك يهون تنساني ولا تذكر


يهون إنك تخليني ولا تسأل ولا تبالي .. يهون إنك تنام الليل وتتركني أنا أسهر


كفاية صار لك شهرين غايب عني يالغالي .. كفاية يا أعز الناس ترى والله ما أقدر


دخيلك لا تخيب فيك هقواتي وآمالي .. وإذا إنها عالصبر وغلاتك عندي راح أصبر

للشاعر

ღღ طارق المحياس ღღ



القصيده الثانيه :
{أمل مفقود}

خلاص يعني الأمل فيك مفقود = وأنا إللي كنت أحسب شعورك عشأني

حاولت ياما لكن الباب مسدود = الله يعوض حبي شوقي وحناني

كنت أحسبك في داخلي دوم موجود = مهما أروح بعيد أنت بكياني

كانت محبتنا أبد مالها حدود = كنت بحياتي دنيتي والأماني

وأنا بقربك عالمي كان محدود = كنت أحسب اللحظات ويا الثواني

ماأمل من شوفك أنا كنت أبا زود = وكل ماأشوفك قلت ربي عطاني

دايم أقول مثلك في هالكون معدود = كنت أحلف إنك أنت ثاني

كنت الأمل كنت العطر كنت الورود = كنت إللي أشكي له وأقول له اعاني

من كثر ماحبيت عيونك السود = كتبت لك أشعار وأهديت أغاني

ليش الألم ليش الجفاء ليش الصدود = بذمتك يعني صار غيري بمكاني

كفي بيبقى لك على طول ممدود = أبعد ليالي بس أرجع لي ثاني

صدقني تلقاني مثل أول وزود = بالعكس يمكن زاد فيني حناني

أكذب على نفسي أقول يمكن يعود = ومرات أصدق وأعترف وهو نساني

حاولت ياما لكن الباب مسدود = الله يسامح حظي إللي رماني

إن مت أنا في يوم بوصيك يا دود = لو زار قبري والا أنه بكاني

قل له يحبك ويعترف كان محسود = ولو كان عايش كان قال لك عشاني

لا تبكي دموعك ولا تنثر ورود = جيتك تكفي يا عسى تكون هاني

وقول له أمانه يروح عند ناعم العود = ذاك إللي خلاني بدونك أعاني

قل له يقول لك أنت بالحب موعود = دامه أخذك مني أكيد ما بيعاني

لأني أعرفك زين ما تكذب وعود = طيب وفي حساس راعي المعاني

كنت بحياتي أنت بس إللي موجود = كنت مستعد أموت وتبقى بمكاني

من كثر ما حبيت عيونك السود = أهديت لك عمري والعمر فاني


القصيده الثالثه :
ياسمين
ليش قلبك يا بعد عمــــــري حزين
والله مب لايق عليك هـــــذا الزعل
يا حلاتك يـــــــــوم كنتي تضحكين
افتحي قلبك وقولـــــي وش حصل
من تجرأ من قطــــــف هالياسمين
من حرمه الزين قبل مــــــا يكتمل
من كسر قلبه وشعــــوره بكلمتين
ويدري قلبه للعتب مــــــــا يحتمل
منهو أرخص قيمة الغــالي الثمين
ويدري إنه فـــــي عيوني له محل
ومن يقــــول الورد ما يقطر حنين
ومن يقــــــول إنه وسط قلبي ذبل
يالله قومــــــــــي يالله لا تتكيسلين
خلي حلمي ويـــاك يوصل لي زحل
يالله قومـــــــــي يالله لا تتشاورين
خلي حبنا يكــــــــــــون للعالم مثل
قالت أصبر قلت أنتي تامــــــــرين
وطالعتني بعين يملاها الـــــــوجل
ولا إراديا ذرفــــــــــــــــت دمعتين
وقالت إنه الزين أبد مــــــــا يكتمل
قلت قولي لي ترى ســــــرك دفين
ما بخبر حد لــــــــــو مهما حصل
بس دخيلك ما أبــــــي هالدمع يبين
مب عشـــان شي بس والله محتمل
طالعتني وقلت لها شتطــــــــــالعين
ما في داعي للعـــــــواطف والخجل
هذا مب وقته فــي وجهي تسرحين
جاوبي إحساس قلبي اللي ســـــــأل
قالت الشدة بعد فتــــــــــــــره تلين
والفــــــــــــــرح يقبل إذا باقي أمل
والشقى لازم فـــــــي يوم إنه يهين
والصعب ياتيه وقـــــت يكون سهل
قلت لها قـــــــــولي لي ولا تلمحين
ما أحب أسمــــــــــع كلام ٍ به جدل
قولي شالموضوع إذا إنك تسمحين
وخلي الخــــــوف اللي فيني يرتحل
قــــــالت أهلي ساوموني بدرهمين
وقـــــــــرروا إنهم يزوجوني بعجل
جا خطبني شخص قـــــــدي مرتين
وجابوا المـــــــــأذون والعقد أكتمل
وافقـــــــــــــوا لأنهم بماله طامعين
وبالتجارة والمــــــــــــــراكز و الفلل
ليش لأ دام إنهم اللــــــــــي رابحين
يمكن إنهم يطلعـــــــــــون بكم محل
قالت إلحقني ومــــــــــد لي هاليدين
ضاع فكري وطار من رأسي العقل
من لي غيرك أشتكي لـــــه يالضنين
عطني رأيك عطني لــــــــو ذرة أمل
صرت أنا ويــــــــاك ضمن التايهين
والحــــــــــزن في دربنا توه إستهل
ليش يـــــــا دنيا في وجهي تعبسين
حظي المـــــــــــايل متى بس يعتدل
قــــــــــــالت أتكلم ولو بس جملتين
لا تتم ســــــــــاكت ترى وردي ذبل
قــــــول لي أي شي قول لو كلمتين
وأنته بس اللي لأمـــــــــــــره أمتثل
صــــــــــدمتي كانت معاها صدمتين
صــــــــــدمتي كانت في هالمره دبل
كنت بسألها شــــــــــــــرايك تملكين
دام خذنا الدبله والحـــــــــــب أكتمل
ما نطقت بشي وأنــــــــا ميت حزين
والدمـــــــــع من فوق وجناتي همل
قمت أشـــــــاهق ما أبي نوحي يبين
كني خيل بأعلى صرخــــــاته صهل
قمنا نطــــــــــــالع بعض عين ٍ بعين
ما تكلمنا إليـــــــــــــــــــن الليل حل
قالت أنطق لا تقـــــــول إنزين
وأنا ساكت والفــــــــــرح عني رحل
كنت أظـــــــــن إحنا لبعضنا مكملين
ما دريت الحـــــــــــــــظ عاند بالفعل
كنت أنا وحـــــدي في عالمها سجين
وكنت أقــــــــــول الحظ أخيرا أعتدل
قلت لها أذكــــــــر كلامك لين الحين
يوم تقولي لي تـــــــراك أحسن ريل
صحت فجــــــــأه وقلت لها تتذكرين
يــــــــــــوم كنا نخطط لشهر العسل
قلت عشاني قــــــــومي ولا تزعلين
وأرضى بالــــــواقع مدام إنه حصل
أسمك بيبقى وســــــــــط قلبي دفين
والقمر لازم في يــــــــــــوم بيكتمل
والله بفــــــــــرح دام إنتي بتفرحين
يالله خلينا بعــــــــــــــــرسك نحتفل
وإصفعتني كف ع الخـــــد والجبين
وقالت أنته قــــــــــــــاعد تكلم طفل
قلت لها وصــــــوتي بنبراته حزين
أوعدني هالــــــــــــزعل آخر زعل
لأنه قلبك ينعرف يــــــــــوم تزعلين
والله مب لايــــــق عليك هذا الزعل
ومهما ناديتك أبــــــــــد لا تجاوبين
قصة الحـــــــــب انتهت مات البطل
افترقنا بعد كــــــــــــل هاذي السنين
وللأسف حبنا في هالمــــــــره فشل
إنتهى مشـــــــــــوار أحلى عاشقين
كلن بدربه ولكـــــــــــــــن ما وصل
كل واحد ينسى مــــــــع مر السنين
لكن الذكرى أمرها مـــــــــــب سهل
لين آخر يـــــوم في روحي تسكنين
وصورتك تبقى مثل بــــــــدر أكتمل
في بعض الأوقـــــــات أقعد مستكين
بس أفكر ليـــــــــــــن يذبحني الملل
بالفعل قطفوا زهـــــــــور الياسمين
قطفوا الزهرة قبل مــــــــــــا تكتمل


و ان شاء الله تعجبكم ...

[ندعوك للتسجيل في المنتدى أو التعريف بنفسك لمعاينة هذه الصورة]

ما شاءالله عالقصايد رووووووووووعه
تسلمي
تقبلي مروري
محبتك %همس الغلا%

مشكوره أختي على الكلام الحلو

أحلى وحده الأولى كنت أريد اسويها بس سبقتيني


بس ما عليه


تقبلي مروري

الــــــقــــــــصـــــــائـــــــد روعـــــــه


تــــقـــبــــلــــي مــــروري

ما شاء الله دائما مبدعه في مواضيعك

وننتظر المزيد من الإبداع

وتقبلي مرووووري البسيط[center]

القصائد روعة بكل صدق

سلمت يداك غاليتي ع الطرح الرائع

والذوق الرفيع ..