أجمل قصائد حامد زيد

قصيدة من قصائد حامد زيد اتمنى انها تعجبكم واسم القصيدة
** يقولون مالا يفعلون**
ما بقى إلا سود الأيام تحرمكـ الرقاد
كيف الأوهام اتجرا تسرّيـكـ امغبون؟
من متى تجزع من الدمع وتخاف البعاد؟
من متى تقفي بكـ ظنون وتجيبكـ ظنون؟
صرت تاخذ (كذبتي,صدق) (ومزاحي,وكاد)!
لو بقول إني بخونكـ! تحسب إني بخون..!
ماتعرف ان كل شاعر "يهيـــم بكل وادٍ" ؟
وانهم دايم "يقولون مالا يفعلون"؟!!
ابكـ أنا لو قلت بنساك وانكرت الوداد
اعرف اني مانسيتك ولاهم يحزنون

من جزع من صفعة الشمس يطمع بالبراد
ومن فقد وجهاته الخمس يلقى بكـ ركون
اعتبرها هفوة انسان.. أو كبوة جواد
لو بتسمح ,,فأنت غاالي ولو تجرح؟,, تمون
عد صداتك مروّه وطعناتك ضماد
خلهن لا راحن طعون ولاردن طعون
خنجرك يتساهل الطعن ومتوني شداد
ومنكـ! يــازين الخناجر ويـا بخت المتون

رد لي حنيـّة المزح.. باحساس الجماد
خلنا واحد يجي صلب ,,والثاني حنون
موت فيني واندفن فيك بثياب الحداد
وان حييت اموت لرضاك واحيا بك بهون
مره ارقد بالكفن وانت ترقد بالمهاد
مره ارقد بالمهد وانت ترقد بالكفون!
لاتقول شجونك شجون وعنادك عناد
البلا ان عنادكـ عنــاد وشجونك شجون!
ربك اللي سخرك لي تقود وماتقاد
والله الخالق و"لله في خلقه شؤون"
ازرع ضلوعي من رضاك وابشر بالحصاد
لعنبو من جيت ترضيه وترد امحزون!!
تسوى لكـ بلد؟!..قول:تسوى لكـ بــــلاد
انت كل العالم بكون.. ولحالك بكون
مابعد محبتك حب ومرادك مراد
غير كونك سيـّد حشاي..تدري من تكون؟؟

نعمتين اختصن الخلق من "جود الجواد"
كافل الارزاق من "حيث مالا تعلمون"
البنون ونعمة المال بعيون العباد!!
زينة الدنيا بلا شك.. في كل العيون
مثل زينة دنيتي بس عندي شي زاد
من عرفتك..صاروا"المال وانته والبنون"!!
انتشي بكـ نشوة التيه لعناق الرشاد
وافزع لكـ بفزعة القرم لشهاق الزبون
واحصنكـ تحصين الازاق عن درب الفساد
واعشقكـ عشق المظاليم لفراق السجون
لو تزيد الشوق جمره..تحولني رماد
لو يزيد العشق شعره..بوصل للجنون
خل هقواتك كبيــره ونظراتك بعاد
كانك انت بكبرك تهون من اللي مايهون؟!
ازعلك وارهن حياتي تحت رحمة زناد
اتهبا؟ لا والله الا انت والموت تهبون
عاد اذا ما ارضاك هرجي ولا اللي قلت فاد
"اننا لله وانا اليه راجعون"

وانت باكر بتعرف على ناسٍ جداد
والكلام يجيك من كل شكل وكل لون
لاتحسب ان كل كلمه بتسمعها وكاد
ولاتصدق هرج شاعر وتخدعك الظنون!!
داااايم اعرف ان "كل شاعر يهيم بكل واد"
وانهم دايم"يقولون مالا يفعلون"
حتى انا اللي قلت لك:اعشقكـ وما اطيق البعاد
يمكن اطلع ماعشقتكـ ولا هم يحزنون!!!!!!


[ندعوك للتسجيل في المنتدى أو التعريف بنفسك لمعاينة هذه الصورة]